Адраджэнне

18 лістапада 2020 года палац Горватаў перайшоў у прыватную ўласнасць, і так пачаўся працэс яго адраджэння з небыцця.

І вось, што ўдалося за гэты час паспець зрабіць: 

• Палацавыя пакоі былі цалкам вычашчыныя ад смецця, пяску і расліннасці ўнутры, а абвалены стары дах – дэмантаваны. 

• Былі адкапаныя некалькі ўваходаў у сутарэнні. 

• Тры гады сышло на распрацоўку і ўзгадненне праекта рэстаўрацыі – асобная балючая і самая складаная справа. 

• Спецыяльнай тэхнікай вывезены горы смецця, якія тысяча валанцёраў вывезла тачкамі з палаца. 

• Адноўлены карніз, прачышчаныя дымаходы, дэмантаваныя савецкія калоны і пабудаваныя перакрыцці з балак. 

• Закупленыя будаўнічыя матэрыялы для новага даху. 

• Зроблена часовая падлога ў бальнай залі. 

• Праведзеныя два вялікія валанцёрскія летнікі для расчыткі ўжо новага будаўнічага смецця. 

• Былі ўсталяваныя першыя кроквы і ўжо паказаўся сілуэт будучага даху. 
 

Пётр Кузняцоў
Пётр Кузняцоў

Аналітык, заснавальнік партала «Моцныя навіны». Ініцыятар кампаніі па аднаўленню Нараўлянскага палаца.

Мы не павінны губляць тое, што ў нас ёсць, што было пабудавана да нас. Мы ўжо страцілі вельмі шмат.

Яўгенія Крэшчук
Яўгенія Крэшчук

Журналістка, заснавальніца жаночага бізнес-клуба «Афіна», піяр менеджар праекта аднаўлення палаца.

Мы танцавалі вальс пад дажджом на першым паверсе ў холе, а вакол – куча шматгадовага смецця. Заплюшчваеш вочы і бачыш багатае ўбранне, фамільныя партрэты, чырвоны паркет. Дзіўна, як можна адраджаць гісторыю сваімі рукамі.

Аліна Цітавец
Аліна Цітавец

СММ-спецыялістка, арганізатарка валанцёрскіх збораў у Нараўлянскім палацы.

Мару станчыць падэспань у адноўленай бальнай залі палаца Горватаў.

Сяргей Касабуцкі
Сяргей Касабуцкі

Інжынер, кіраўнік ТАА «ПрокПроект» - праектаванне і інжынерна-тэхнічнае суправаджэнне будаўніцтва.

Немаладыя дрэвы парку, аранжавая цэгла, абрывісты бераг і, вядома, рака Прыпяць, думкі аб калезе, які 200 гадоў таму чарціў пяром праект, – усё гэта склалася ў нейкую зразумелую карціну і не пакінула мяне абыякавым.

Таццяна Шапавалава
Таццяна Шапавалава

Бухгалтар

Палац павінен быць адноўлены. Я так лічу.

ДЗЕЙНАСЦЬ І ПЛАНЫ

Да канца 2024 года мы спадзяемся паспець цалкам накрыць палац новым дахам.

Для забеспячэння зручнасці карыстальнікаў сайта выкарыстоўваюцца cookies