Дапамога

Нагадваем, што Нараўлянскі палац знаходзіцца ў прыватнай уласнасці і аднаўляецца ў тым ліку дзякуючы дапамозе валанцёраў. Вы можаце далучыцца да агульнай справы і таксама ўзяць удзел у адраджэнні.

Лепш папярэдзіць пра свой прыезд за некалькі дзён, каб была магчымасць загадзя распланаваць і размеркаваць працу паміж валанцёрамі. Для гэтага запоўніце форму ніжэй, пакінуўшы ў каментарыях дату прыезда, або напішыце нам у асабістыя паведамленні ў нашых сацсетках.

Як дабрацца да Нароўлі?  

• на машыне ~4 гадзіны з Мінска, ~2,5 гадзіны з Гомеля (самы камфортны варыянт, адрас – вул. Кастрычніцкая 20А, можна пад'ехаць да самага палаца);
• маршруткай ~4,5 гадзіны з Мінска (лепш замаўляць квіткі загаддзя, напрыклад тут: https://smilebus.by);
• цягніком да Мазыра ~4 гадзіны з Мінска, а пасля на аўтобусе (адпраўленне з Мінска два разы на дзень).

Дзе спыніцца?  

Арэнда пакоя недалёка ў 15 хвілінах ад палаца каштуе 25 рублёў за ноч (звярніцеся да нас у асабістыя па кантакты гаспадыні). Нумар у гатэлі “Нараўлянка” побач з палацам (ёсць паркоўка) каштуе каля 30 рублёў у залежнасці ад тыпу нумара. 

Улетку можна заночыць у намётах побач з палацам.  

Што ўзяць з сабой?  

• зручнае працоўнае аддзенне па надвор'і
• закрыты абутак
• улетку кепку ад сонца
• улетку сродак ад насякомых
• працоўныя пальчаткі, маску
• свой кубачак